Fecha actualización:
  • Azken eguneratzea: 2015/12/17
Seleccione su idioma:
inprimatu bidali Aa Aa
Errenteriakirolak

?

Korrikalariaren Kluba 

Running-a zabalkunde handiko jarduera fisiko bilakatu da. Jarduera erraza da, material gutxi behar du eta denon eskura dago. Gero eta jende gehiago animatzen da hainbat distantziatako probatan parte hartzera, baina, praktikatzeko garaian gutxieneko baldintza batzuk izan eta modu osasungarrian jarduteko, beharrezkoa da prestakuntza eta aholkularitza egokiak izatea.

Hori dela-eta, Errenteriako udal kirol instalazioetan Runner"s Club izenekoa jarri da abian. Klubaren asmoa da kalitateko entrenamendua egin nahi duten gure inguruneko korrilalariak elkartzea.

Runner"s Clubaren xedea da parte-hartzaileei aholkularitza teknikoa eskaintzea, modu seguru eta antolatuan beren helburuak lortu ahal izan ditzaten. Edozein distantziatako probak prestatu nahi dituzten pertsonek, asfalto gainean nahiz mendian, klubean behar duten entrenamendua aurkituko dute.

Klubaren zuzendaritza jarduera fisikoaren eta kirolaren profesionalen esku dago, erresistentziako kirolerako entrenamenduan espezializatutakoak dira eta eskarmentu handia dute taldeak nahiz pertsonak banaka entrenatzen.

Klubeko jardueretan parte hartzen duten pertsonek hilero eskuratzen dute, balorazio baten ondoren, entrenamendu plan pertsonalizatua, beren helburuak lortzera bideratuta. Entrenatzaileen ardura da entrenamendua kontrolatu eta birbideratzea, kirolarien jarraipenetik lortzen dituzten datuen arabera.

Korrikalarien klubeko kide izanez gero, eskubidea dago asteko taldeko saio batean parte hartzeko. Saio hori Fanderiako igerilekuen instalazioetan eta horien inguruneetan gauzatzen da.

Runner"s Clubeko jardueretan Errenteriako udal kirol instalazioetako kideek nahi kide ez direnek parte har dezakete. Baldintza eta prezioen gaineko argibide gehiago jasotzeko, interesdunek Galtzarabordako Kiroldegiko harrerara (943 44 96 90) edo Fanderiako igerilekuetara (943 34 44 23) dei dezakete.

Prezioak

- Harpidetu gabekoak: 40.-euro/hileko.

- “Igerileku” motako harpidetza dutenak: 20.-euro/hileko.

- Harpidetza “Orokorra” dutenak: 15.-euro/hileko.

- Kirolkide motako harpidetza dutenak: 5.-euro/hileko.


| Vagüada Galtzaraborda,z/g.20100 Teléfono:943449691 | ©Errenteriako Udala. CIF P 2007200 E